پنجابی کے صرف ایک لفظ “وٹ” کا استعمال۔۔۔ مختلف انداز سے

Spread the love

پنجابی کے صرف ایک لفظ “وٹ”
کا استعمال۔۔۔ مختلف انداز سے۔۔۔

1۔ وٹنا۔۔۔ رسی یا بان بنانا۔۔۔ Twist
وہ چارپائی کا وان وٹ رہا تھا۔
(اوہ منجی دا وان وٹ رہیا سی)

2۔ کچھ نہ وٹنا۔۔۔ کچھ نہ کمانا۔۔۔ Earn
آج اس نے صبح سے کچھ نہیں وٹیا (کمایا) ہے۔
(اج سویر دا اوہنے کجھ وی نئیں وٹیا)

3۔ وٹ لگنا۔۔۔ گرمی لگنا۔۔۔ Humidity
کل مجھے بڑا وٹ لگ رہا تھا۔
(کل مینوں بڑا وٹ لگ رہیا سی)

4۔ وٹ چڑھنا۔۔۔ غصہ چڑھنا۔۔۔ Anger
اُس کی غلط بات سن کے مجھے بہت وٹ چڑھا۔
(اوہدی بَھیڑی گل سُن کے مینوں بڑا وٹ چڑھیا)

5۔ وٹ پاؤنا۔۔۔ کپڑے خراب کر دینا۔۔۔ Wrinkles
یار دھیان سے بیٹھو، میرے کپڑوں کو وٹ نہ پا دینا۔
(بھائی! دھیان نال کِتے میرے کپڑیاں نوں وٹ نہ پا دیویں)

6۔ وٹ پھرنا۔۔۔ پیٹ میں درد ہونا۔۔۔ Loose motion, Belly pain
مجھے کوئی اچھی سی پھکی دے دیں، میرے پیٹ میں بڑا وٹ پھر رہا ہے۔
(مینوں کوئی پھکی چھکی دے دیو، میرے ڈھڈ چ بڑا وٹ پھر رہیا اے)

7۔ وٹو وٹ۔۔۔ سیدھا راستہ۔۔۔ Straight path
یہاں سے سیدھا وٹو وٹ چلتے جاؤ، چودھری کے گھر پہنچ جاؤ گے۔
(ایتھوں سِدھا وٹو وٹ ٹُریا جائیں تے توں چودھری دے گھار اپڑ جاویں گا)

8۔ وٹ کے مارنا۔۔۔ زور سے مارنا، لڑنا۔۔۔ Fighting
اگر آپ نے اس کو کوئی غلط بات کہی تو اس نے آپ کے وٹ کے چپیڑ مارنی ہے۔
(جے تسی اوہنوں چھیڑیا تے اوہنے وٹ کے چپیڑ مارنی اے)

9۔ دڑ وٹ کے بیٹھنا۔۔۔ چپ کر کے بیٹھنا۔۔۔ میسنا پن۔۔۔ Silent
اس بندے کو نہ چھیڑنا، یہ دڑ وٹ کے بیٹھا ہوا ہے۔
(ایس بندے نوں نہ چھیڑو، اوہ دڑ وٹ کے بیٹھا ہویا اے)

10۔ وٹ مارنا۔۔۔ دیوار بنانا، لیکر کھینچنا۔۔۔
دونوں آپس میں لڑ پڑے تو ایک نے وٹ مار کر کہا، اب یہاں سے گزر کر دکھاؤ۔
(ایہہ میں ہُن وٹ مار دتی اے، ایتھوں لنگھ کے وکھا)

11۔ وٹ دینا۔۔۔ ہرانا، مارنا۔۔۔ Beat
لڑائی کے پاس نہ جانا، نہیں تو انہوں نے آپ کو وٹ دینا ہے۔
(لڑائی دے لاگے نہ جانا نئیں تے اوہناں نے تہانوں وی وٹ دینا اے)

12۔ وٹ چاہڑنا۔۔۔ گھمانا۔۔۔ Rotate
دھیان سے وٹ چڑھاؤ، رسی صحیح نہیں بن رہی۔
(دھیان نال وٹ چاہڑھ، رسی ڈِھلی رئی جاندی آ)

13۔ وٹ کڈھنا۔۔۔ اکڑفوں ختم کرنا۔۔۔ Finish Hauthyness
اس نے مجھے بہت تنگ کیا ہے، آج میں اس کے سارے وٹ نکال کے چھوڑوں گا۔
(توں ٹھیک ہوجا نئیں تے میں تیرے سارے وٹ کڈھ چھڈاں گا)

14۔ وٹ تے پیا۔۔۔ کوئی کام فوراً تیار۔۔۔ Immediately
یہ کام تو میں جلدی کر لوں گا، سمجھو یہ وٹ پر پڑا ہوا ہے۔
(ایہہ کم تے وٹ تے پیا سمجھو)

15۔ وٹ جھلنا۔۔۔ غصہ برداشت کرنا۔۔۔ Endure
اس کی باتیں تو بڑی کڑوی تھیں، لیکن مجھے وٹ جھلنا پڑا۔
(اوہدیاں گلاں سن کے مینوں غصہ تے بڑا آیا پر میں وٹ جھل گیا)

16۔ وٹ کھانا۔۔۔ حسد کرنا، سڑنا۔۔۔ Envy
اپنے ہمسایوں کی نئی گاڑی دیکھ کر وہ وٹ کھانے لگ پڑا۔
(گوانڈھیاں دی گڈی ویکھ کے اوہ وٹ کھان لگ پیا)

17۔ وٹ لاؤنا۔۔۔ بل دور کرنا۔ Untwist
رسی خراب ہو گئی ہے اس کے وٹ اتار دیں۔۔۔ وٹ لا دیں۔
(رسی دے وٹ لا کے ای گنجھلاں نکلن گیاں)

18۔ وٹ نال وٹ ملنا۔۔۔ گوانڈھی ہونا۔ Neighbourer
ان دونوں بھائیوں کی وٹ سے وٹ ملتی ہے۔
(اوہناں دونواں بھراواں دی وٹ نال وٹ ملدی اے)

19۔ وٹ ول۔۔۔ آکڑ۔۔۔ Stiffened
اللہ تعالیٰ مغرور لوگوں کے وٹ ول نکال دیتا ہے۔
(رب تے آکڑ کھاں بندیاں دے وٹ ول ایویں کڈھ دیندا اے)

20۔ وٹ دار۔۔۔ بل کھاتی ہوئی۔۔۔ Wiggly
وہ اتنا سیدھا ہے جیسے وٹ دار جلیبی۔
(اوہ اینا سِدھا اے جیویں وٹ دار جلیبی)

واہ جی پنجابی دیاں نئیں رِیساں…

کاوش: محمد قاسم سرویا

Facebook Comments

Leave a Reply

Your email address will not be published. Required fields are marked *